بلس وان سبورتس ـ ابراهيم عادل الأفضل في مصر

بلس وان سبورتس ـ ابراهيم عادل الأفضل في مصر

كتب : فارس عبدالرحيم

 

دودو الجباس: الجيل الحالي “محظوظ”.. وإبراهيم عادل الأفضل في مصر.. وأبو تريكة وزيدان قدوتي

 

 

شدد محمد الجباس “دودو الجباس” لاعب بيراميدز الحالي والمصري وليرس البلجيكي السابق، على أن الجيل الحالي من اللاعبين محظوظ بسبب السوشيال ميديا، كنا بنقعد نلعب ونشتغل ونتعب كتير أوي عشان بس اسمنا يتقال في الصحافة والإعلام، دلوقتي اللاعب لو عمل كورة ولا سجل هدف، السوشيال ميديا كلها بتشير اللقطة بتاعته والناس كلها بتتكلم عليه، ورغم كده الأمر ده مش كله إيجابي، فيه جزء سلبي لإن أحيانًا جزء من الكلام ده بيكون مجاملات ومش حقيقي.

 

 

 

وتابع “دودو” في تصريحات لبرنامج نجوم دوري نايل مع أحمد المصري عبر إذاعة أون سبورت إف إم: هنا بقى عقلية اللاعب وشخصيته بيفرقوا، هنا بقى لازم يفهم إنه معملش أي إنجاز وإنه لازم يتعب ويجتهد ويشتغل أكتر عشان ينجح، هنا بقى لازم يعرف هل هيقدر يتعامل مع الضغوطات الجماهيرية والسوشيال ميديا ولا لأ، آه الشهرة حلوة لكن زي ما لها وجه إيجابي لها أوجه سلبية.

 

 

وأضاف لاعب المصري السابق: وأنا لاعب صغير كنت بدور على حد قدوة اقتدي به، لما روحت منتخب مصر وشوفت النجوم الكبار زي أبو تريكة وزيدان ومتعب أيام كابتن حسن شحاتة، كنت منبهر بكل تفصيلة بيعملوها، إزاي بيتعاملوا مع اللاعبين الصغار، إزاي بينصحوهم، إزاي بيوجهوهم، إزاي بيتعاملوا مع بعض، إزاي وصلوا لكل حاجة وصلوا لها وقتها.

 

بلس وان سبورتس ـ ابراهيم عادل الأفضل في مصر

وواصل لاعب بيراميدز الحالي: حاليًا في بيراميدز أنا بقيت بقوم بنفس الدور، بحاول أفيد وأنصح اللاعبين الشباب، وأساعدهم يكونوا أحسن، ولإنهم بيتأثروا باللاعبين الكبار جدًا بحاول اجتهد أكتر واشتغل أكتر واتعب أكتر عشان أكون قدوة لهم.

 

 

 

 

واختتم دودو الجباس: الموسم الماضي إبراهيم عادل كان شريكي في الغرفة، حاولت أساعده وأنصحه، الموضوع فرق معه جدًا، هو لاعب كبير ومن الأفضل في مصر وإفريقيا، الحمد لله احترف لإنه مميز وفارق عن أي لاعب في مصر حاليًا.

 

 

 

دودو الجباس: الزمالك ” كعبه مش عالي” على بيراميدز.. والأجواء مع الأهلي أصبحت أفضل.. والخروج من إفريقيا “صدمة كبيرة”

 

شدد محمد الجباس “دودو الجباس” لاعب بيراميدز الحالي والمصري وليرس البلجيكي السابق، على أن الأجواء بين الأهلي وبيراميدز أصبحت أفضل وأهدأ، الجميع رأي أن الفريق ينافس من أجل الفوز بالبطولات وليس لمكايدة نادي بعينه، وهذا حدث بعد الفوز بعدة بطولات، فالأمور أصبحت أفضل ويارب المنافسة تظل في الملعب فقط.

 

 

وتابع “دودو” في تصريحات لبرنامج نجوم دوري نايل مع أحمد المصري عبر إذاعة أون سبورت إف إم: كعب الزمالك مش عالي على بيراميدز، كسبناهم وكسبونا، فالمباريات رايحة جاية، يمكن تركيزهم في مبارياتنا بيكون أكبر، ويمكن هزيمة الدور الأول تخلينا نركز أكتر في مباراة الدور الثاني.

 

 

وأضاف لاعب المصري السابق: الخروج من دوري أبطال إفريقيا كان صدمة كبيرة بالنسة لنا، ونتيجة مباراة الذهاب كانت خادعة كثيرًا وربما هي من أسباب الخروج المبكر.

 

 

وواصل لاعب بيراميدز الحالي: عصبية يورتشيتش إيجابية في أغلب الأحيان، وسلبية في أوقات أقل، أنا كلاعب أحب شخصية هؤلاء المدربين، وأعتقد أن الجميع تعود على طريقته.

 

وأردف: يورتشيتش المدرب الأفضل في الكرة المصرية حاليًا، جعل الفريق في “حتة تانية”، توجنا بعدة بطولات تحت قيادته، وهو المدرب الذي لم يتغير منذ قدومه، ومن خلفه يأتي على ماهر مدرب سيراميكا كليوباترا، مدرب رائع ويستطيع تغيير أي فريق للأفضل تحت قيادته.

 

واختتم دودو الجباس: إبراهيم عادل الأفضل في مصر من وجهة نظري، لإنه فارق بشكل كبير عن أي لاعب آخر رغم رحيله، بيراميدز هو أفضل نادي حاليًا في الكرة المصرية خصوصصا وأنه ليس عنده نفس الجماهير ولا يحصل على الدعم الذي يحصده الأهلي والزمالك.

 

أخبار متعلقه

https://plus1sports.net/%d8%b1%d9%8a%d8%a7%d8%b6%d8%a9/7001/